وفاقی حکومت کا عوام پر مالی بوجھ: پٹرول اور ڈیزل کی قیمتوں میں اضافہ

: اکنامک ڈیسک
: اسلام آباد، پاکستان

وفاقی حکومت کا عوام پر مالی بوجھ: پٹرول اور ڈیزل کی قیمتوں میں اضافہ

نئے مالی سال 2025-26 کے آغاز سے قبل ہی وفاقی حکومت نے پٹرولیم مصنوعات کی قیمتوں میں اضافہ کر دیا ہے۔ وزارتِ خزانہ کی جانب سے باضابطہ نوٹیفیکیشن جاری کر دیا گیا ہے۔

نوٹیفیکیشن کے مطابق:

پٹرول کی قیمت میں 8 روپے 36 پیسے فی لیٹر اضافہ کیا گیا ہے۔

ڈیزل کی قیمت میں 10 روپے 39 پیسے فی لیٹر اضافہ ہوا ہے۔

نئی قیمتوں کا اطلاق یکم جولائی 2025ء سے ہو گا۔ وزارتِ خزانہ کا مؤقف ہے کہ یہ اضافہ عالمی منڈی میں خام تیل کی قیمتوں میں حالیہ اتار چڑھاؤ کے سبب ناگزیر تھا۔

ماہِ جولائی کے آغاز سے ہی عوام کو بجلی، گیس اور پیٹرولیم نرخوں میں اضافے کا سامنا کرنا پڑے گا، جس کے نتیجے میں مہنگائی کی نئی لہر کی پیشگوئی کی جا رہی ہے۔

—

وی او سی اردو کا تبصرہ:

عوام پہلے ہی مہنگائی، بجلی کے بلوں اور روزمرہ اخراجات کے بوجھ تلے دبے ہوئے ہیں۔ اب نئے مالی سال کے آغاز سے قبل ہی پٹرولیم نرخوں میں اضافہ حکومت کی مالی مجبوریوں کی نشاندہی تو کرتا ہے، لیکن عام آدمی کے لیے یہ قدم قیامت سے کم نہیں۔ جب پٹرول مہنگا ہوتا ہے، تو اس کی قیمت ہر شعبہ زندگی میں منتقل ہوتی ہے — خواہ وہ روٹی ہو یا رکشہ کرایہ۔ حکومت کو چاہیے کہ مہنگائی کی کمر توڑنے کی بجائے اس کی کوئی راہ نکالے، نہ کہ عوام کی۔

—

وی او سی اردو
🌐 www.newsvoc.com
📲 واٹس ایپ چینل: https://whatsapp.com/channel/0029VaCmBaI84OmAfXL45G1k

ڈسکلیمر:
یہ خبر ابتدائی معلومات، مقامی ذرائع یا سرکاری بیانات پر مبنی ہے۔ تفتیشی یا ادارتی پیشرفت کی بنیاد پر معلومات میں تبدیلی ممکن ہے۔

VOC/009/300625