پاکستان
سائٹ ایریا میں ٹیکسٹائل مل میں جھگڑے کے دوران گارڈ کی فائرنگ، 2 چینی شہری زخمی*
کراچی: سائٹ ایریا میں ٹیکسٹائل مل میں جھگڑے کے دوران گارڈ کی فائرنگ، 2 چینی شہری زخمی*
سندھ کے دارالحکومت کراچی میں ایک ٹیکسٹائل مل میں فائرنگ سے 2 چینی شہری زخمی ہوگئے۔
رپورٹ کے مطابق کراچی پولیس نے بتایا کہ فائرنگ کا واقعہ سائٹ انڈسٹریل ایریا میں واقع ایک ٹیکسٹائل مل میں پیش آیا۔
پولیس حکام کے مطابق ٹیکسٹائل مل کے سیکیورٹی گارڈ اور فیکٹری میں کام کرنے والے 2 غیر ملکی ملازمین کے درمیان تلخ کلامی ہوئی۔
حکام نے بتایا کہ تلخ کلامی کے بعد سیکیورٹی گارڈ نے فائرنگ کردی جس کے نتیجے میں دو غیر ملکی شہری زخمی ہوگئے۔
ریسکیو حکام کے مطابق زخمی شہریوں کو فوری طور پر طبی امداد کی فراہمی کے لیے ہسپتال منتقل کردیا گیا۔
دوسری جانب کراچی پولیس نے معاملے کی مزید تحقیقات کا آغاز کرکے قانونی کارروائی شروع کردی ہے۔
