چین کا کراچی میں ایک ارب ڈالر کی سرمایہ کاری سے میگا میڈیکل سٹی کے منصوبے کا اعلان
👇👇👇🇵🇰🤝🇨🇦
Voice of Canada
کراچی: چینی سرمایہ کاروں نے کراچی میں ایک ارب ڈالر کی خطیر سرمایہ کاری سے میگا میڈیکل سٹی کے قیام کے منصوبے کا اعلان کردیا۔
ایف پی سی سی آئی نے کراچی میں اپنے ہیڈ آفس میں ایک اعلیٰ سطحی چینی وفد کی میزبانی کی جس میں چینی وفد نے کراچی میں ایک ارب ڈالر کی خطیر سرمایہ کاری سے میگا میڈیکل سٹی کے قیام کے منصوبے کا اعلان کیا۔
صدر ایف پی سی سی آئی عا طف اکرام شیخ کے مطابق یہ منصوبہ پاکستان کے میڈیکل کے نظام کے لیے بالعموم اور کراچی کے لیے بالخصوص بڑی سماجی و معاشی تبدیلی کا پیش خیمہ ثابت ہوگا۔
واضح رہے کہ یہ اعلان ایف پی سی سی آئی کی پاکستان چائنا بزنس کونسل اور ایف پی سی سی آئی کی مرکزی قائمہ کمیٹی برائے خارجہ امور، تجارت اور سرمایہ کاری کے مشترکہ اجلاس کے دوران کیا گیا۔ اجلاس کی مشترکہ صدارت ایف پی سی سی آئی کے سینئر نائب صدر ثاقب فیاض مگوں اور چائنا پاکستان ریسرچ اینڈ انوویشن انٹرپرائزز الائنس کے صدرMeng Xiao Wei نے کی۔
ایف پی سی سی آئی کے سینئر نائب صدر ثاقب فیاض مگوں نے اس بات پر زور دیا کہ مجوزہ عظیم الشان میڈیکل سٹی کو چینی اسٹاک ایکسچینج میں لسٹڈ35 چینی کاروباری گروپوں کی پارٹنر شپ کے ذریعے قائم کیا جائے گا؛ جس کا مقصد پاکستان کے میڈیکل کے نظام کو بین الاقوامی معیار کے مطابق بنانے کے لیے اپ گریڈ کرنا ہے۔
*تازہ ترین خبروں اور تبصروں کیلئے ہمارا واٹس ایپ چینل فالو کیجئے*
