ساہیوال میں انسداد دہشت گردی (سی ٹی ڈی) اور دہشت گردوں کے درمیان مقابلے میں فائرن سے ایک انسپکٹر شہید ،ڈی ایس پی سمیت 2 اہلکار زخمی ہوگئے، پولیس نے چار دہشت گردوں کو گرفتار کرکے دھماکا خیز مواد اور اسلحہ برآمد کرلیا ہے۔
سی ٹی ڈی کے مطابق ہڑپہ میں دہشت گردوں کی موجودگی کی اطلاع پر چھاپا مارا گیاتو ملزمان نے پولیس ٹیم پر فائرنگ کردی، جس کے نتیجے میں انسپکٹر فداحسین شہید جبکہ ڈی ایس پی سمیت دو اہلکار زخمی ہوگئے ۔
سی ٹی ڈی کے مطابق شہید ہونے والے انسپکٹر کی لاش اورزخمیوں کو اسپتال منتقل کردیا گیاہے، مقابلے میںچار دہشت گردوں کو گرفتار کیا گیا جبکہ دو فرار ہوگئے،دہشت گردوں کے قبضے سے اسلحہ اور دھماکا خیز مواد برآمد ہوا ہے۔
