آرمی چیف جنرل قمرجاوید باجوہ نے کہا ہے کہ آپریشن ’ردالفساد‘ کے ذریعے تمام فسادیوں کا خاتمہ کریں گے۔
آئی ایس پی آر کے مطابق آرمی چیف نے مظفرگڑھ فیلڈفائرنگ رینج میں فوجیوں کی حربی تربیتی مشق کا بھی جائزہ لیا، ان کا کہنا تھا کہ اپنے حربی تجربے کی بدولت پاک فوج کا کوئی ثانی نہیں۔
آئی ایس پی آر کا کہنا ہے کہ جنرل قمر جاوید باجوہ نے ملتان گیریژن کادورہ بھی کیا، انہیں آپریشنل تیاریوں پربریفنگ دی گئی۔
اس موقع پر جنرل قمر جاوید باجوہ کا کہنا تھا کہ مردم شماری اہم قومی سرگرمی ہے، پاک فوج مردم شماری کے انعقاد میں بھرپور تعاون فراہم کرے گی۔
