چیئرمین ضلعی زکوۃ کمیٹی گوجرانوالہ نے غریب و مستحق طلباء و طالبات کی مفت تعلیم‘ یونیفارم اور کتابوں کے لئے اداروں کے پرنسپل کو5592000 روپے کے چیک جاری کیے

گوجرانوالہ یکم مارچ
(بشیر باجوہ بیورو چیف پاکستان نیوز وائس آف کینیڈا )
چیئرمین ضلعی زکوۃ کمیٹی گوجرانوالہ میاں امجد محمود نے غریب و مستحق طلباء و طالبات کی مفت تعلیم‘ یونیفارم اور کتابوں کے لئے اداروں کے پرنسپل کو5592000 روپے کے چیک جاری کرتے ہو ئے ہدایات جاری کیں کہ اس رقم کو غریب اور مستحق طلباء و طالبات کی مفت تعلیم کیلئے احسن طریقہ سے تعلیمی سر گرمیوں کے لئے خرچ کیا جائے تا کہ وہ تعلیم حاصل کرنے کے بعد اپنے پاؤ ں پر کھڑے ہو سکیں اور اپنا مستقبل روشن کر سکیں اس موقع پر عبدالحفیظ قریشی ڈسٹرکٹ زکوۃ آفیسر بھی موجود تھے۔