لاہور (نیوز وی او سی) حساس اداروں نے افغان ٹرانزٹ ٹریڈ کی آڑ میں بارود لانے والے دو ٹرک ڈرائیورز کو صادق آباد سے گرفتار کر لیا ¾ٹرک ڈرائیور سخی بادشاہ اور رسول نواز دہشت گردوں کو دھماکوں کے لئے بارودی مواد پہنچاتے تھے۔ میڈیا رپورٹ کے مطابق قانون نافذ کرنےوالے اداروں کو خفیہ اطلا ع ملی تھی کہ افغان ٹرانزٹ ٹریڈ کی آڑ میں وطن دشمنوں کو دہشت گردی کی کارروائیوں کےلئے بارود سمگل کیا جا رہا ہے اور اس گھناو¿نے دھندے میں وانا کے دو ٹرک ڈرائیور سخی بادشاہ اور رسول نواز ملوث ہیں ¾سی ٹی ڈی اور حساس اداروں نے کارروائی کر کے صادق آباد کے علاقہ سونا چوک سے دونوں کو گرفتار کرلیا۔ذرائع کے مطابق ابتدائی تفتیش میں یہ بات سامنے آئی ہے کہ ٹرک ڈرائیوروں کے دہشت گردوں سے گہرے روابط ہیں۔ ٹرک ڈرائیور افغان ٹرانزٹ ٹریڈ کی آڑ میں بارود پاکستان لاتے اور دہشت گردوں کو فراہم کرتے جو دہشت گردی پھیلانے کےلئے دھماکوں میں استعمال کیا جاتا تھا۔ سیکورٹی ذرائع ان گرفتاریوں کو انتہائی اہمیت دے رہے ہیں ¾گرفتار افراد سے تفتیش کے دوران ان سے رابطے میں موجود دہشت گرد نہ صرف بے نقاب ہوں گے بلکہ انہیں کیفرکردار تک بھی پہنچایا جا سکے گا۔
