کراچی: (نیوز وی او سی آن لائن) ایف آئی اے کے انسداد انسانی اسمگلنگ سیل نے الآصف اسکوائر میں کاروائی کرتے ہوئے 4 افغان باشندوں کو گرفتار کر کے مقدمہ درج کر لیا جبکہ گبول ٹاؤن پولیس نے بھی دو غیر ملکی باشندوں کو حراست میں لے لیا۔ پولیس کا کہنا ہے کہ حفیظ اللہ اور بسم اللہ غیر قانونی طور پر پاکستان میں مقیم تھے۔ جن کے خلاف فارن ایکٹ کے تحت مقدمہ درج کیا گیا ہے۔ منگھوپیر کواری کالونی میں پولیس نے کومبنگ آپریشن کرتے ہوئے 20 مشکوک افراد کو حراست میں لے لیا۔ ایس حسن سردار نے بتایا کہ کارروائی نیشنل ایکشن پلان کے تحت کی گئی منصوبی بندی کا حصہ ہے۔ زیر حراست افراد سے پوچھ گچھ شروع کر دی گئی ہے۔
