لیہ: (نیوز وی او سی) سی ٹی ڈی ملتان نے لیہ کے علاقے چوبارہ میں دہشت گردوں کے ٹھکانے پر چھاپہ مارا۔ جس پر دہشت گردوں نے سی ٹی ڈی ٹیم پر فائرنگ کر دی۔ جوابی فائرنگ میں 5 دہشت گرد ہلاک ہو گئے جبکہ 3 دہشت گرد اندھیرے کا فائدہ اٹھاتے ہوئے فرار ہو گئے۔ سی ٹی ڈی ذرائع کے مطابق دہشت گرد ملتان میں مزار کو نشانہ بنانے کی منصوبہ بندی کر رہے تھے اور اپنے امیر عمر خالد خراسانی کے احکامات کے منتظر تھے۔ ہلاک دہشت گردوں سے چار دستی بم اور اسلحہ بھی برآمد ہوا ہے۔
