آئی سی سی ویمن ورلڈ کپ کوالیفائر کے سپر سکس مرحلے میں پاکستان نے آئرلینڈ کو 86 رنز سے ہرا دیا۔

کولمبو: (نیوز وی او سی) کولمبو میں پاکستان ویمن ٹیم نے سپر سکس کے اہم میچ میں آئرلینڈ کے خلاف 271 رنز بنائے۔ جویریہ خان 90 رنز کے ساتھ ناٹ آؤٹ رہیں۔ اوپنر ناہیدہ خان 72 اور نین عابدی 44 رنز بنانے میں کامیاب ہوئیں۔ جواب میں آئرش ٹیم انچاسویں اوور میں 185 رنز پر ڈھیر ہو گئی۔ سیسیلیا جوائز کے اکتالیس رنز بھی ٹیم کو 86 رنز کی شکست سے نہ بچا سکے۔ ناشرہ سندھو، سعدیہ یوسف اور کپتان ثناء میر نے 2، 2 وکٹیں حاصل کیں۔
آئی سی سی ویمن ورلڈ کپ کوالیفائر کے سپر سکس میں ثناء میر الیون نے میزبان ٹیم سری لنکا سے ہارنے کے بعد آئرلینڈ سے جیت کر پوزیشن مستحکم کر لی ہے۔ روایتی حریف پاکستان اور بھارت کا 19 فروری کو آمنا سامنا ہو گا۔