رینجرز قافلے پر دہشتگردوں کا حملہ ، جوابی وار میں 18شدت پسند ہلاک ، 3اہلکار زخمی
کراچی (نیوز وی او سی آن لائن )لعل شہباز قلندر دھماکے کے بعد دہشت گردوں نے رینجرز کے قافلے پر حملہ کر دیا اور جوابی وار میں 7دہشت گرد مارے گئے جبکہ سپر ہائی وے پر فائرنگ کے تبادلے میں 11دہشتگردوں کو واصل جہنم کیا گیا ۔
ابتک نیوز کے مطابق کراچی کے علاقے سپر ہائی وے کاٹھور اور منگھو پیر میں رینجرز اور دہشتگردوں میں فائرنگ کا تبادلہ ہوا جس کے نتیجے میں 18شدت پسند ہلاک ہو گئے جبکہ 3اہلکارزخمی ہیں۔
ترجمان سندھ رینجرز کے مطابق سیہون دھماکے کا ریسکیو آپریشن مکمل کر کے آنے والے پاکستان رینجرز کے قافلے پر سپرہائی وے کاٹھور کے قریب دہشتگردوں کی جانب سے حملہ کر دیا گیا۔ دہشتگردوں اور رینجرز کے درمیان فائرنگ کا تبادلہ ہوا۔ فائرنگ کے تبادلے کے دوران سات دہشتگرد ہلاک ہو گئے۔ فائرنگ سے رینجرز کا ایک اہلکار بھی زخمی ہوا۔
دوسری جانب ترجمان سندھ رینجرز کے مطابق خفیہ اطلاع پر مائی گاڑی منگھوپیر میں رینجرز نے کارروائی کے دوران فائرنگ کے تبادلے میں 11 دہشتگرد مارے گئے۔ فائرنگ کے تبادلے میں رینجرز کے دو اہلکار بھی زخمی ہوئے۔
