اسلام آباد (نیوز وی او سئ ) اسلام آباد ہائی کورٹ نے چئیرمین پی سی بی اور نجم سیٹھی کے خلاف دائر درخواست پر دس دن کے اندر جواب طلب کر لیا ہے ۔ اسلام آباد ہائی کورٹ کے چیف جسٹس جسٹس انور خان کاسی نے نجم سیٹھی اور چئیرمین پی سی بی کے خلاف درخواست پر سماعت کی ۔ درخواست سابق کرکٹر سرفراز نواز کی جانب سے دائر کی گئی درخواست میں موقف اختیار کیا گیا کہ پی ایس ایل میں میچ فیکسنگ کے ذمہ دار نجم سیٹھی اور چئیرمین پی سی بی ہیں جبکہ درخواست میں سرفراز نواز کی پینشن کو بھی حصہ بنایا گیا ہے ، انہیں فورا عہدے سے ہٹایا جائے ۔ وکیل سرفراز نواز نے عدالت میں دلائل دیئے کہ نجم سیٹھی نے میرے خلاف مقدمے کیے ہوئے ہیں ، میرے موکل کی پینشن نجم سیٹھی نے بند کی ہوئی ہے ، عدالت نے دلائل سننے کے بعد پاکستان کرکٹ بورڈ سے دس دن کے اندر جواب طلبی کا نوٹس جاری کر دیا ہے ۔
