ڈی سی گوجرانوالہ کی ہدایت پر سب رجسٹرار اربن زوالفقار علی بھون کا زون 7کے مختلف علاقوں کا دورہ

(بشیر باجوہ بیورو چیف پاکستان نیوز وائس اف کینیڈا) ڈی سی گوجرانوالہ کی ہدایت پر سب رجسٹرار اربن زوالفقار علی بھون کا علی الصبح زون 7کے مختلف علاقوں کا دورہ کیا ، اس موقع پر11 سینٹری ورکرز غیر حاضر پا ئے گئے ان کے خلاف محکمانہ کاروائی کے لیے رپورٹ حکام کو ارسال کر دی گئی ہے۔
ڈپٹی کمشنر گوجرانوالہ محمد عامر جان کی ہدایت پر سب رجسٹرار اربن زوالفقار علی بھون نے الصبح زون 7کے مختلف علاقوں(نعمانیہ روڈ، دال بازار،ٹرنک بازار، مبارک شاہ روڈ، جناح روڈ گرجاکھی دروازہ ) سمیت دیگر علاقوں کا دورہ کیا ، دورہ کے موقع پر انہوں نے سینیٹری ورکرز کی حاضری چیک کی ۔ مختلف یونین کونسلز میں تعینات عملہ میں سے 11سینیٹری ورکرزڈیوٹی سے غیر حاضر پائے گئے جن کی رپورٹ متعلقہ حکام کو محکمانہ کاروائی کے لیے ارسال کر دی گئی ہے ۔ زون 7میں مجموعی طور پر 277سینٹری ورکرز تعینات ہیں جن میں سے 264ڈیوٹی پر موجود تھے جبکہ 11غیر حاضر اور 2چھٹی پر تھے ۔ سب رجسٹرار اربن زوالفقار علی بھون نے صفائی ستھرائی کے لیے استعمال ہونے والی آپریشنل گاڑیوں کا بھی تفصیلی معائنہ کیا اور جی ڈبلیو ایم سی حکام کو فوری 2نان آپریشنل گاڑیوں کو فنکشنل کرانے کی بھی ہدایت کی ۔ انہوں نے ڈیوٹی پر حاضر سٹاف کو شاباش دی اور کہا کہ وہ فرائض کی ادائیگی ایمانداری سے جاری رکھیں تا کہ شہر کو پھر سے صاف ستھرا بنایا جا سکے ۔