اسلام آباد (نیوز وی او سی آن لائن)بھارتی عسکری ادارے سینٹرل ریزرو پولیس فورس (CRPF) کے 59 کمانڈوز نے فورس کو خیر باد کہہ دیا ہے۔ کمانڈوز کے اچانک غائب ہونے کی وجہ بد سلوکی اور بنیادی حقوق کی خلاف ورزی بتائی جا رہی ہے۔ یہاں یہ امر قابل ذکر ہے کہ گذشتہ کچھ عرصے سے بھارتی فورسز کے جوان اپنے ساتھ ہونے والے ناروا سلوک، افسران کی کرپشن ، بد عنوانی اور بد سلوکی کا شکوہ کرتے نظر آرہے ہیں۔ اسی کے پیش نظر کمانڈوز اس قدر بد ظن ہو گئے ہیں کہ انہوں نے اعلیٰ افسران یا محکمے کو استعفٰی دینا تک گوارہ نہیں کیا۔یہ خبر اُردو پوائنٹ پر شائع کی گئی۔
