چیز برگر صحت کیلئے نقصان دہ

چکنائی سے بھرپور پکوان جیسے ایک چیز برگر اور آلو کے چپس انسانی جسم کے میٹا بولزم کو تبدیل کرنے میں اہم کردار ادا کرسکتے ہیں، جس سے جگر کی بیماری اور ذیابیطس کا خطرہ بڑھ سکتا ہے۔ ایک تحقیق میں سائنسدانوں نے ایسے افراد کے لیے بُری خبر کا اعلان کیا جو عموماً چکنائی سے بھرے کھانے کھانا پسند کرتے ہیں، ان سائنسدانوں نے خبردار کیا کہ اس قسم کے چکنائی والے پکوان جسم میں انسولین کی کارکردگی کو کم کرتے ہیں جبکہ ایسی چربی کی سطح میں اضافہ کرتے ہیں جو دل کی بیماریوں کو جنم دیتی ہیں۔ تاہم وہ حضرات جو اس قسم کے پکوان کم کھاتے ایسی بیماریوں سے کسی حد تک محفوظ رہتے ہیں۔ جرمنی میں محققین نے 14 دبلے اور صحت مند مردوں پر تحقیق کی جن کی عمریں 20 سے 40 سال کے درمیان تھیں، اس دوران انہیں پانی اور ونیلا کے ذائقہ کا کھجور کا تیل دیا گیا۔ اس تیل میں چکنائی کی مقدار ایک چیز برگر اور فرنچ فرائز، یا پیزا کے آٹھ حصوں کے برابر تھی۔ نتیجے میں واضح ہوا کہ اس تیل کا استعمال کرنے والے افراد میں چکنائی فیٹ کی مقدار فوری طور پر بڑھ گئی جس کے تنیجے میں جسم میں انسولین کی کارکردگی میں کمی دیکھنے میں آئی۔ محققین نے بتایا کہ یہ تحقیق اس عمر کے مردوں پر کی گئی جس سے اندازہ ہوا کہ اپنے میٹابولزم کو فوری بہتر کرسکتے ہیں، تاہم روزانہ ایسے پکوان کھانے سے جسم میں چربی کی مقدار میں خطرناک اضافہ ہوسکتا ہے، جس سے جگر کی بیماریوں کا سامنا کرنا پڑ سکتا ہے۔