(بشیر باجوہ بیورو چیف پاکستان نیوز وائس آف کینیڈا)
گوجرانوالہ میں مبینہ طور پر خاتون نے اپنا کم سن بیٹا چھت سے نیچے پھینک دیا ، پولیس نے خاتون کو حراست میں لے کر تحقیقات شروع کر دی -بختے والا کے رہائشی شعیب کی اٹھارا سالہ بیوی عائشہ کے ہاں آٹھ روز قبل بیٹا پیدا ،جسے اسنے مبینہ طور پر چھت سے نیچے پھینک دیا ، بچے کی دادی نے بتایا کہ عائشہ اپنے بیٹے کے رونے اور بار بار دودھ مانگنے سے پریشان تھی ، جس پر طیش میں آ کر اسنے بچے کو شاپنگ بیگ میں ڈال کر نیچے پھینک دیا ،ڈاکٹرز کے مطابق بچہ محفوظ ہے اور اسے کوئی چوٹ نہیں آئی ، دوسری طرف واقعہ کی اطلاع ملنے پر تھانہ سبزی منڈی پولیس نے موقع پر پہنچ کر عائشہ بی بی کو حراست میں لے لیا اور واقعہ کی تحقیقات شروع کر دی
