بغداد (اے پی پی) ۔ عرب ذرائع ابلاغ کے مطابق عراق کے وزیر اعظم حیدرالعبادی نے امریکا کے صدر ڈونلڈ ٹرمپ کے اس بیان پر کہ واشنگٹن کو عراقی آئل فیلڈ پر قبضہ کر لینا چاہئے تھا، رد عمل ظاہر کرتے ہوئے کہا ہے کہ عراقی تیل عراقی عوام سے متعلق ہے ۔ امریکی صدر ٹرمپ نے کہا ہے کہ واشنگٹن کو عراقی تیل کے میدانوں کو اپنے قبضے میں لے لینا چاہئے تھا ۔ عراقی وزیر اعظم حیدرالعبادی نے ایک پریس کانفرنس میں کہا کہ یہ واضح نہیں ہے کہ ٹرمپ کے کہنے کا مقصد کیا تھا۔ حیدرالعبادی نے کہا کہ قانون کے مطابق عراقی تیل عراقیوں کی ملکیت ہے ۔
