فیصل آباد (نیوز وی او سی آن لائن) بٹالہ کالونی کے علاقہ میں نامعلوم افراد نے خاتون سٹیج ڈانسر نادیہ کو چھری کے وار کر کے قتل کر دیا۔ تفصیلات کے مطابق رضاآباد کے علاقہ کوکیانوالہ کی رہائشی 35سالہ نادیہ شادی، مہندی کی تقریبات اور سٹیج پر ڈانس کا کام کرتی تھی اور منڈی کوارٹر ذوالفقار کالونی میں کرایہ کے مکان کی دوسری منزل پر رہائش پذیر تھی۔ گزشتہ روز نامعلوم افراد نے اسے پیٹ میں چھری مار کر قتل کر دیا اور فرار ہو گئے۔ محلہ داروں کی اطلاع پر بٹالہ کالونی پولیس نے نعش تحویل میں لے کرالائیڈ ہسپتال سے پوسٹمارٹم کروا کے اس کے ورثاءکے حوالے کر دی اور نامعلوم افراد کے خلاف مقدمہ درج کر کے تفتیش شروع کر دی ہے۔
