فیلڈ مارشل سید عاصم منیر کا تربت کا دورہ، سیکیورٹی صورتحال اور ترقیاتی اقدامات کا جائزہ

نیشنل، نیوز ڈیسک
تربت، پاکستان

فیلڈ مارشل سید عاصم منیر کا تربت کا دورہ، سیکیورٹی صورتحال اور ترقیاتی اقدامات کا جائزہ

فیلڈ مارشل سید عاصم منیر نے بلوچستان کے علاقے تربت کا اہم دورہ کیا جہاں انہوں نے سیکیورٹی کی موجودہ صورتحال اور جاری ترقیاتی اقدامات کا جائزہ لیا۔ اس موقع پر وزیر اعلیٰ بلوچستان سرفراز بگٹی، چیف سیکریٹری اور دیگر اعلیٰ حکام بھی موجود تھے۔

آئی ایس پی آر کے مطابق دورے کے دوران آرمی چیف کو سیکیورٹی ڈائنامکس اور فتنہ الہندوستان کے خلاف جاری کامیاب آپریشنز پر تفصیلی بریفنگ دی گئی۔ انہیں ترقیاتی منصوبوں اور عوامی فلاح و بہبود کے لیے جاری سماجی و معاشی اقدامات سے بھی آگاہ کیا گیا۔

آرمی چیف نے سول انتظامیہ کے ساتھ ملاقات کے دوران بہتر طرز حکمرانی، عوامی شمولیت اور سول و ملٹری اشتراک کی اہمیت پر زور دیا۔ انہوں نے واضح کیا کہ بلوچستان کے عوام کی خوشحالی اور دیرپا ترقی کے لیے مشترکہ کوششیں ہی کامیابی کی ضمانت ہیں۔

جوانوں سے خطاب میں فیلڈ مارشل نے ان کے بلند حوصلے اور آپریشنل تیاریوں کو سراہا اور خطے میں امن و استحکام کے قیام میں ان کی قربانیوں اور کردار کو خراجِ تحسین پیش کیا۔ قبل ازیں تربت آمد پر کور کمانڈر بلوچستان نے فیلڈ مارشل سید عاصم منیر کا پرتپاک استقبال کیا۔

وی او سی اردو کا تبصرہ:
بلوچستان کے عوام برسوں سے ترقیاتی منصوبوں اور امن و امان کی بحالی کے منتظر ہیں۔ فیلڈ مارشل کے اس دورے نے نہ صرف سول اور ملٹری قیادت کی ہم آہنگی کو اجاگر کیا ہے بلکہ یہ عندیہ بھی دیا ہے کہ قومی سلامتی اور عوامی خوشحالی ایک دوسرے سے جڑی ہوئی ہیں۔ اب سوال یہ ہے کہ ان اعلانات اور بریفنگز کو عملی شکل کب اور کیسے دی جائے گی تاکہ عوامی اعتماد بحال ہو سکے۔

—

وی او سی اردو
🌐 www.newsvoc.com
📲 واٹس ایپ چینل: https://whatsapp.com/channel/0029VaCmBaI84OmAfXL45G1k

ڈسکلیمر:
یہ خبر ابتدائی معلومات، مقامی ذرائع یا سرکاری بیانات پر مبنی ہے۔ تفتیشی یا ادارتی پیشرفت کی بنیاد پر معلومات میں تبدیلی ممکن ہے۔

VOC/011/230825