حماس کا خفیہ نقدی نظام جنگ کے دوران بھی متحرک — 30 ہزار ملازمین کو تنخواہوں کی ادائیگی جاری
انٹرنیشنل، نیوز ڈیسک
غزہ، فلسطین
حماس کا خفیہ نقدی نظام جنگ کے دوران بھی متحرک — 30 ہزار ملازمین کو تنخواہوں کی ادائیگی جاری
جنگ زدہ غزہ میں تباہ کن حملوں اور ا س ر ا ئ ی ل کی مسلسل ناکہ بندی کے باوجود، فلسطینی تنظیم حماس نے 30,000 سے زائد سرکاری ملازمین کو تنخواہیں دینے کا ایک خفیہ اور مربوط نقدی نظام برقرار رکھا ہوا ہے۔ برطانوی نشریاتی ادارے بی بی سی نے اس نظام پر ایک تحقیقی رپورٹ میں انکشاف کیا ہے کہ حالیہ ہفتے میں متعدد ملازمین کو تقریباً 300 امریکی ڈالر فی کس نقد ادائیگی کی گئی۔
رپورٹ کے مطابق، اس خفیہ مالی نظام کے ذریعے ہر ماہ تقریباً 70 لاکھ ڈالر کی رقم نقدی کی صورت میں تقسیم کی جاتی ہے۔ حماس کے قریبی ذرائع کا کہنا ہے کہ تنظیم نے نقدی کی فراہمی کے لیے ایک مخصوص چینل قائم کیا ہوا ہے جو بیرونی مالی معاونت، کاروباری سرگرمیوں، اور دیگر غیر رسمی ذرائع پر مشتمل ہے۔
بی بی سی نے ایسے تین ملازمین سے بات کی جنہوں نے اپنی شناخت ظاہر نہ کرنے کی شرط پر اس بات کی تصدیق کی کہ انہیں گزشتہ ہفتے تقریباً 300 ڈالر نقدی موصول ہوئے۔ ان کا کہنا تھا کہ “ہماری تنخواہیں تاخیر سے ہی سہی، لیکن مل رہی ہیں۔ اس وقت یہ رقم زندگی کی بنیادی ضروریات پوری کرنے کے لیے نہایت اہم ہے۔”
ادھر غزہ کی معیشت اس وقت مکمل تباہی کے دہانے پر ہے۔ ا س ر ا ئ ی ل کی فضائی اور زمینی کارروائیوں نے بنیادی ڈھانچے کو مفلوج کر دیا ہے، جبکہ بیرونی امداد کی راہیں مسلسل مسدود کی جا رہی ہیں۔ ایسے میں حماس کی جانب سے تنخواہوں کی مسلسل فراہمی، ایک غیر معمولی انتظامی صلاحیت کی غماز ہے — یا پھر بین الاقوامی مالی سرکولیشن پر ایک سوالیہ نشان۔
وی او سی اردو کا تبصرہ:
غزہ کے محصور حالات میں حماس کا یہ نقدی نظام ایک طرف تنظیم کی گرفت اور مالی نظم کو ظاہر کرتا ہے، تو دوسری طرف یہ سوال بھی اٹھاتا ہے کہ بین الاقوامی پابندیوں کے باوجود اتنی بڑی رقم کہاں سے آ رہی ہے؟ یہ حقیقت عالمی برادری اور خاص طور پر مغربی انٹیلیجنس اداروں کے لیے لمحہ فکریہ ہونی چاہیے کہ محاصرے کے باوجود ایک تنظیم کس طرح مسلسل نقدی کی ترسیل برقرار رکھے ہوئے ہے۔
یہ نظام نہ صرف فلسطینی معاشی خودمختاری کا نمونہ ہے بلکہ اس حقیقت کی بھی علامت ہے کہ جنگی حالات میں بھی انتظامی عمل جاری رکھا جا سکتا ہے — اگر نیت اور نیٹ ورک دونوں موجود ہوں۔
—
وی او سی اردو
🌐 www.newsvoc.com
📲 واٹس ایپ چینل: https://whatsapp.com/channel/0029VaCmBaI84OmAfXL45G1k
ڈسکلیمر:
یہ خبر ابتدائی معلومات، مقامی ذرائع یا سرکاری بیانات پر مبنی ہے۔ تفتیشی یا ادارتی پیشرفت کی بنیاد پر معلومات میں تبدیلی ممکن ہے۔
VOC/011/070825
