اسرائیلی ریٹائرڈ جنرل کا فوجی ترجمان یونٹ پر شدید الزام: “جعلی فتوحات اور جھوٹا بیانیہ پھیلایا جا رہا ہے”

: بین الاقوامی ڈیسک
: یروشلم، اسرائیل

اسرائیلی ریٹائرڈ جنرل کا فوجی ترجمان یونٹ پر شدید الزام: “جعلی فتوحات اور جھوٹا بیانیہ پھیلایا جا رہا ہے”

اسرائیلی فوج کے ریٹائرڈ میجر جنرل اسحاق بریک نے اسرائیلی فوج کے ترجمان یونٹ پر سنگین الزامات عائد کرتے ہوئے کہا ہے کہ یہ یونٹ “جعلی معلومات” پھیلا کر عوام کو ایک مصنوعی کامیابی کا تاثر دے رہا ہے۔

الجزیرہ کے مطابق جنرل اسحاق بریک نے بیان میں کہا کہ “فوجی ترجمان کی ٹیم اسرائیلی عوام کو ایک فرضی کہانی سنا رہی ہے، جس میں اسرائیلی فوج کو طاقتور اور ناقابلِ تسخیر دکھایا جا رہا ہے، حالانکہ زمینی حقائق اس کے بالکل برعکس ہیں۔”

اسحاق بریک کا مزید کہنا تھا کہ یہ بیانیہ نہ صرف خطرناک ہے بلکہ مستقبل میں ریاست کی ساکھ کو سخت نقصان پہنچا سکتا ہے۔ انہوں نے کہا کہ حقیقت پر پردہ ڈالنے سے فوج کی کارکردگی بہتر نہیں ہو گی، بلکہ سچائی کا سامنا کرنا ہی اصل اصلاح کا راستہ ہے۔

اسرائیلی سیکیورٹی حلقوں میں اس بیان نے ایک نئی بحث چھیڑ دی ہے، خاص طور پر ایسے وقت میں جب اسرائیل کو غزہ اور لبنان دونوں محاذوں پر سنگین چیلنجز کا سامنا ہے
—

وی او سی اردو کا تبصرہ:
میجر جنرل اسحاق بریک کا بیان اسرائیلی عسکری بیانیے کے خلاف ایک نایاب اور جرأتمندانہ قدم ہے۔ اسرائیلی فوج جس طرح اپنی ناکامیوں کو کامیابی کے طور پر بیچ رہی ہے، وہ نہ صرف اندرونی بحران کا پتہ دیتا ہے بلکہ جنگی حقیقتوں سے فرار کی ایک واضح کوشش بھی ہے۔ یہ بیان اسرائیلی سماج کے اس طبقے کی طرف سے بھی ایک بیداری کا اشارہ ہے جو عسکری اداروں سے غیر جانبدار سچائی کی توقع رکھتا ہے۔ جنگی پروپیگنڈے کے اس شور میں سچ کی یہ صدا ایک تنبیہ ہے — شاید اپنے ہی سسٹم کے لیے۔
—

وی او سی اردو
🌐 www.newsvoc.com
📲 واٹس ایپ چینل: https://whatsapp.com/channel/0029VaCmBaI84OmAfXL45G1k

ڈسکلیمر:
یہ خبر ابتدائی معلومات، بین الاقوامی ذرائع یا سرکاری بیانات پر مبنی ہے۔ تفتیشی یا ادارتی پیشرفت کی بنیاد پر معلومات میں تبدیلی ممکن ہے۔

VOC/017/060725