وزیراعلیٰ مریم نواز کے حکم پر ڈی ایچ کیو اسپتال کے ایم ایس اور سی ای او گرفتار 20 بچوں کی ہلاکت پر فوری ایکشن، غفلت چھپانے کی کوشش پر سخت کارروائی

: ہیلتھ ڈیسک
: پاکپتن، پاکستان

وزیراعلیٰ مریم نواز کے حکم پر ڈی ایچ کیو اسپتال کے ایم ایس اور سی ای او گرفتار
20 بچوں کی ہلاکت پر فوری ایکشن، غفلت چھپانے کی کوشش پر سخت کارروائی

وزیراعلیٰ پنجاب مریم نواز نے ڈسٹرکٹ ہیڈ کوارٹرز اسپتال پاکپتن میں بچوں کی اموات پر ہنگامی دورہ کرتے ہوئے شدید غفلت پر اسپتال انتظامیہ کے خلاف فوری کارروائی کا حکم دے دیا۔

ذرائع کے مطابق وزیراعلیٰ نے موقع پر موجود افسران سے سوالات کیے اور 20 بچوں کی ہلاکت پر برہمی کا اظہار کیا۔ انہوں نے ایم ایس ڈاکٹر عدنان غفار اور سی ای او ہیلتھ ڈاکٹر سہیل کو فوری گرفتار کرنے کے احکامات جاری کیے، جس پر پولیس نے دونوں کو حراست میں لے لیا۔

ترجمان پنجاب حکومت کے مطابق ایم ایس اور دیگر ذمہ داران نے حقائق چھپانے کی کوشش کی، جس پر قانونی کارروائی کا فیصلہ کیا گیا۔ دونوں افسران کے خلاف باقاعدہ مقدمہ درج کر لیا گیا ہے۔

یاد رہے کہ 16 سے 22 جون کے درمیان ڈی ایچ کیو اسپتال پاکپتن میں 20 بچوں کی اموات ہوئیں، جس پر ورثا نے اسپتال انتظامیہ پر آکسیجن کی کمی اور طبی عملے کی غفلت کا الزام لگایا تھا
—

وی او سی اردو کا تبصرہ:
اگرچہ یہ قدم سخت دکھائی دیتا ہے، لیکن تاریخ شاہد ہے کہ پاکستان میں معصوم جانوں کے ضیاع پر اکثر پردہ ڈال دیا جاتا رہا ہے۔ وزیراعلیٰ مریم نواز کا بروقت ایکشن ایک مثبت مثال ضرور ہے، مگر یہ صرف ابتدا ہے۔ اصل عدالتی انصاف، ہیلتھ سسٹم کی اصلاحات اور ذمہ داران کی سزا ہی مستقبل میں ایسے سانحات کو روکنے کا ذریعہ بن سکتی ہے۔

—

وی او سی اردو
🌐 www.newsvoc.com
📲 واٹس ایپ چینل: https://whatsapp.com/channel/0029VaCmBaI84OmAfXL45G1k

ڈسکلیمر:
یہ خبر ابتدائی معلومات، مقامی ذرائع یا سرکاری بیانات پر مبنی ہے۔ تفتیشی یا ادارتی پیشرفت کی بنیاد پر معلومات میں تبدیلی ممکن ہے۔

VOC/002/040725