ایرانی میزائل حملوں کے خدشے پر اسرائیلی وزراء کے اہل خانہ بنکروں میں منتقل، عوام غیر محفوظ
وی او سی انٹرنیشنل ڈیسک
: تل ابیب / اسرائیل
ایرانی میزائل حملوں کے خدشے پر اسرائیلی وزراء کے اہل خانہ بنکروں میں منتقل، عوام غیر محفوظ
اسرائیلی ٹی وی چینل 13 کی رپورٹ کے مطابق ایرانی میزائل حملوں کے خدشے کے پیش نظر اسرائیلی حکومت نے اپنے وزراء کے اہل خانہ کو زیر زمین بنکروں میں منتقل کر دیا ہے۔
رپورٹ کے مطابق یہ فیصلہ ممکنہ حملوں سے پہلے ہی کر لیا گیا تھا تاکہ حکومت کے اعلیٰ حکام کے اہل خانہ کو محفوظ رکھا جا سکے۔ تاہم سوشل میڈیا پر یہ انکشاف عوامی غصے کا سبب بن گیا ہے، جہاں شہری پوچھ رہے ہیں کہ “عوام کی جانوں کی قیمت وزیروں کے خاندانوں سے کم کیوں ہے؟”
سیاسی تجزیہ کاروں کے مطابق نیتن یاہو حکومت پر پہلے ہی ناقص دفاعی انتظامات اور شہریوں کو بے یارو مددگار چھوڑنے کے الزامات عائد ہو رہے ہیں۔ شہری علاقوں پر ایرانی میزائل حملے جاری ہیں جبکہ عام آبادی کے لیے محفوظ پناہ گاہوں کی شدید قلت ہے۔
تل ابیب، بیت یام، اور تمرہ میں درجنوں افراد ہلاک و زخمی ہو چکے ہیں، اور موجودہ صورتحال میں عوام خود کو بے سہارا محسوس کر رہے ہیں۔
—
وی او سی اردو کا تبصرہ:
یہ خبر اسرائیلی حکومت کے “اپنوں کے لیے الگ، عوام کے لیے الگ” رویے کو بے نقاب کرتی ہے۔ ایک جمہوری ریاست میں جب حکمران طبقات صرف اپنی جان بچانے کے انتظامات کریں اور عوام کو میزائلوں کے رحم و کرم پر چھوڑ دیں، تو یہ نہ صرف حکومتی ناکامی ہے بلکہ عوامی اعتماد کے تابوت میں آخری کیل بھی ہو سکتی ہے۔
—
وی او سی اردو
🌐 www.newsvoc.com
📲 واٹس ایپ چینل: https://whatsapp.com/channel/0029VaCmBaI84OmAfXL45G1k
ڈسکلیمر:
یہ خبر ابتدائی معلومات، مقامی ذرائع یا سرکاری بیانات پر مبنی ہے۔ تفتیشی یا ادارتی پیشرفت کی بنیاد پر معلومات میں تبدیلی ممکن ہے۔
VOC/040/150625
