شیخ مجیب کی بائیوپک میں حسینہ واجد کا کردار ادا کرنے والی اداکارہ گرفتار

شیخ مجیب کی بائیوپک میں حسینہ واجد کا کردار ادا کرنے والی اداکارہ گرفتار

19 مئی 2025
رپورٹ: وی او سی اردو – ڈھاکا 🇧🇩

ڈھاکا:
بنگلہ دیش کے سیاسی منظرنامے میں ایک چونکا دینے والی پیشرفت سامنے آئی ہے جہاں معروف بنگلہ دیشی اداکارہ نصرت فاریہ کو ڈھاکا ایئرپورٹ سے اس وقت گرفتار کرلیا گیا جب وہ تھائی لینڈ روانہ ہونے والی تھیں۔

غیر ملکی ذرائع ابلاغ کے مطابق گرفتاری شاہ جلال انٹرنیشنل ایئرپورٹ پر امیگریشن چیک پوائنٹ کے دوران عمل میں آئی، جہاں اداکارہ کے خلاف موجود وارنٹ گرفتاری کی بنیاد پر پولیس نے فوری کارروائی کی۔

حکام کے مطابق نصرت فاریہ پر جولائی 2024 میں ہونے والے حکومت مخالف مظاہروں میں مبینہ طور پر اس وقت کی وزیر اعظم شیخ حسینہ واجد کے خلاف قتل کی کوشش میں ملوث ہونے کا سنگین الزام ہے۔

یاد رہے کہ 31 سالہ نصرت فاریہ نے بنگلہ دیش اور بھارت کی مشترکہ بائیوپک فلم ’’مجیب: دی میکنگ آف اے نیشن‘‘ میں شیخ حسینہ واجد کا کردار ادا کیا تھا۔ اس فلم کی ہدایت کاری بھارتی ڈائریکٹر شیام بینیگل نے کی تھی اور یہ بنگلہ دیش کے بانی شیخ مجیب الرحمٰن کی زندگی پر مبنی تھی۔

ذرائع کے مطابق ان مظاہروں کے بعد شیخ حسینہ واجد نے وزارتِ عظمیٰ سے استعفیٰ دے دیا تھا اور بعد ازاں بھارت روانہ ہو گئی تھیں۔
حکام کا کہنا ہے کہ نصرت فاریہ کی گرفتاری ان مظاہروں سے جڑے پرتشدد واقعات کی تحقیقات کا اہم حصہ ہے اور امکان ہے کہ مزید گرفتاریاں بھی عمل میں آئیں گی۔

وی او سی اردو
Disclaimer:
This news is based on initial reports and is intended solely for public awareness. VOC Urdu is not responsible for the verification or denial of any legal claims or allegations.
وی او سی اردو: تحقیقی، تجزیاتی اور غیر جانبدار صحافت کا معتبر پلیٹ فارم
مزید خبروں کے لیے وزٹ کریں: www.newsvoc.com
ہمارا واٹس ایپ چینل جوائن کریں: https://whatsapp.com/channel/0029VaCmBaI84OmAfXL45G1k