سیاسی منظرنامے میں بڑی پیش رفت

👇👇👇🇵🇰🤝🇨🇦
Voice of Canada اردو

سیاسی منظرنامے میں بڑی پیش رفت: افضل ملک اور ملک برادری نے اتحاد گروپ کو خیرباد کہہ کر ویلفیئر گروپ میں شمولیت اختیار کر لی

واپڈا ٹاؤن گوجرانوالہ – پاکستان
تاریخ: 19 اپریل 2025
رپورٹ: بشیر باجوہ | VOC اردو

گوجرانوالہ واپڈا ٹاؤن میں سیاسی سرگرمیاں تیزی سے نیا رخ اختیار کر رہی ہیں۔ ممتاز کاروباری و سماجی شخصیت افضل ملک نے اوورسیز پاکستانی حازق بٹ اور میجر (ر) انجم کی درخواست پر، پندرہ سالہ وابستگی کے بعد اتحاد گروپ کو خیرباد کہہ کر، واپڈا ٹاؤن ویلفیئر گروپ کے صدارتی امیدوار کاشف اسماعیل گجر کی غیر مشروط حمایت کا باضابطہ اعلان کر دیا ہے۔

افضل ملک کی قیادت میں ملک برادری نے بھی اجتماعی طور پر ویلفیئر گروپ میں شمولیت اختیار کر لی ہے، جسے مقامی سیاسی منظرنامے میں ایک بڑی برادریاتی و اخلاقی تبدیلی کے طور پر دیکھا جا رہا ہے۔

افضل ملک نہ صرف سردار یاسین اسپتال (غیر منافع بخش ادارہ) کے چیئرمین ہیں، بلکہ وہ آل پاکستان ملک برادری پنجاب کے صدر اور جاپان میں کار امپورٹ ایکسپورٹ کے ایک کامیاب بزنس مین کے طور پر بھی جانے جاتے ہیں۔

اس اہم موقع پر بزنس گروپ کے چیئرمین رانا ناصر، عامر رحمن، شیخ عامر وقاص اور وقاص افضل سمیت دیگر سیاسی و سماجی شخصیات بھی ان کے ہمراہ موجود تھیں، جنہوں نے فیصلے کا خیرمقدم کیا اور اسے ویلفیئر گروپ کی ایک بڑی سیاسی فتح قرار دیا۔

“وی او سی اردو اس بدلتے سیاسی منظرنامے پر مسلسل نظر رکھے ہوئے ہے اور آئندہ پیش رفت سے متعلق بروقت معلومات فراہم کرتا رہے گا۔”

وی او سی اردو

Disclaimer:
This news is based on initial reports and is intended solely for public awareness. VOC Urdu is not responsible for the verification or denial of any legal claims or allegations.

وی او سی اردو: تحقیقی، تجزیاتی اور غیر جانبدار صحافت کا معتبر پلیٹ فارم
مزید خبروں کے لیے وزٹ کریں: www.newsvoc.com
ہمارا واٹس ایپ چینل جوائن کریں: https://whatsapp.com/channel/0029VaCmBaI84OmAfXL45G1k