*موٹروے پولیس کی طرف سے ٹرانسپورٹرز حضرات کیلئے خصوصی ہدایات*

👇👇👇🇵🇰🤝🇨🇦
Voice of Canada
*موٹروے پولیس کی طرف سے ٹرانسپورٹرز حضرات کیلئے خصوصی ہدایات*
افسران بالا کی ہدایت کے پیشِ نظر سیکٹر آفس موٹروے پولیس گوجرانولہ میں HTV/PSV ٹرانسپورٹرز کے ساتھ ایک تفصیلی میٹنگ کا انعقاد کیا گیا۔
شرکاء کو موٹروے پولیس کی طرف سے مسافروں کی حفاظت کے لیے اٹھائے جانے والے اقدامات کے بارے میں آگاہ کیا گیا۔ میٹنگ میں ایس ایس پی فرخ رضا نے کہا کہ پی ایس وی اور ایچ ٹی وی ڈرائیوروں کیلئے ڈرائیونگ ٹریننگ کاآغاز کیا جارہا ہے جس کا مقصد ڈرائیوروں میں روڈ سیفٹی کے شعور کو بیدار کرنا ہے۔ کورس کے احتتام پر پاس ہونے والے ڈرائیورز کو سرٹیفکیٹ سے بھی نوازا جائے گا۔ اس کے علاوہ انہوں نے مزید کہا کہ آئی جی صاحب کے احکامات کے پیش نظر پی ایس وی اور ایچ ٹی وی ڈرائیوروں کے ڈرائیونگ لائسنس، گاڑیوں کے روٹ پر مٹ اور فٹنس سرٹیفکیٹ کو باقاعدہ چیک کیا جائے گا اور بار بار خلاف ورزی کرنے والوں کے خلاف سخت قانونی کارروائی عمل میں لائی جائے گی۔ آخر پر ٹرانسپورٹرز حضرات کے مسائل بھی سنے گئے اور انکو حل کرنے کی یقین دھانی بھی کروائی گئی ۔۔ تمام ٹرانسپورٹرز حضرات نےموٹروے پولیس کی اس کاوش کو سراہتے ہوئے اطمینان کا اظہار کیا۔