ترجمان انتونیوگوتریس کا کہنا ہے کہ پاکستان میں احتجاج اور فوج کی تعیناتی پر نظر رکھے ہوئے ہیں۔

جنیوا : اقوام متحدہ نے پاکستان میں احتجاجی مظاہروں کے دوران فوج کی تعیناتی کا نوٹس لے لیا، ترجمان کا کہنا ہے کہ مظاہرین اور فورسز سے پُرسکون رہنے اور تحمل کا مطالبہ کرتے ہیں۔

اس حوالے سے اقوام متحدہ کے سیکریٹری جنرل انتونیو گوتریس کے نائب ترجمان کے ذریعے بیان جاری کیا گیا ہے۔

ترجمان انتونیوگوتریس کا کہنا ہے کہ پاکستان میں احتجاج اور فوج کی تعیناتی پر نظر رکھے ہوئے ہیں۔

ان کا کہنا ہے کہ مظاہرین اور فورسز سے پُرسکون رہنے اور تحمل کا مطالبہ کرتے ہیں، اقوام متحدہ کسی بھی تشدد کی مذمت کرتا ہے۔

نائب ترجمان سیکریٹری جنرل یو این نے مزید کہا کہ اظہار رائے کی آزادی اور پرامن اجتماع کے حق کو برقرار رکھنے کا مطالبہ کرتے ہیں۔