ٹھٹھہ: گھارو کے قریب دھند کے باعث 6 گاڑیوں میں تصام، 5 افراد جاں بحق، 12 زخمی
سندھ کے ضلع ٹھٹھہ میں گھارو کے قریب دھند کے باعث 6 گاڑیاں آپس میں ٹکرا گئیں جس کے نتیجے میں 5 افراد جاں بحق اور 12 زخمی ہوگئے۔
ڈان نیوز کی رپورٹ کے مطابق حادثہ قومی شاہراہ پر گھارو کے قریب آج صبح دھند کے باعث پیش آیا۔
ریسکیو حکام کے مطابق 2 ٹرک اور کاروں سمیت 6 گاڑیاں آپس میں ٹکرائیں، حادثے کے نتیجے میں 3 افراد موقع پر ہی دم توڑ گئے۔
رپورٹ کے مطابق 14 زخمیوں کو مقامی افراد نےاپنی مدد آپ کے تحت مختلف ہسپتالوں میں منتقل کیا جہاں پر مزید 2 زخمی دم توڑ گئے جب کہ 4 شدید زخمیوں کو تشویشناک حالت میں کراچی منتقل کیا گیا۔
