مائیکل جیکسن کی بہن گلوکارہ جینٹ جیکسن کا قبول اسلام کا اعلان

لاس اینجلس(ویب ڈیسک)امریکی پاپ گلوکار آنجہانی مائیکل جیکسن کی بہن ہولی وڈ گلوکارہ جینٹ جیکسن نے اسلام قبول کرنے کا باقاعدہ اعلان کردیا۔ 49سالہ جینٹ جیکسن نے 2012ءمیں40سالہ مسلمان ارب پتی وسام المنا سے شادی کی تھی جس سے وہ اتنی متاثر ہوئیں کہ انہوں نے اسلام قبول کرلیا اور نا زیبا ملبوسات زیب تن کرنا چھوڑ دیے۔

گلوکارہ جینٹ جیکسن نے اپنے مسلمان ہونے کے بارے میں کہا کہ انہوں نے اپنے فیملی ارکان کو بھی بتایا ہے جنھوں نے ان کے نئے انتخاب کا مکمل طور پر احترام کیا ہے۔ جینٹ جیکسن اسلامی تعلیمات کا مطالعہ کرنے کے لیے کافی وقت صرف کرتی ہیں۔ دریں اثناءانہوں نے آئی ہارٹ ریڈیو میوزک فیسٹیول میں شرکت سے معذرت کرلی ہے۔
اخبار ”دی سن “ نے مزید بتایا ہے کہ جینٹ جیکسن نے یہاں تک کہ انشاءاللہ کہتے ہوئے اپنا ناقابل تسخیر میوزک ورلڈ ٹور شوز بھی ترک کردیے ہیں۔ مزید برآں جینٹ جیکسن نے رواں ویک اینڈ پر ہونے والے آئی ہارٹ ریڈیو میوزک فیسٹیول میں شریک ہونے سے بھی انکار کر دیا ہے۔