کوئٹہ(مانیٹرنگ ڈیسک)کوئٹہ میں ایف سی کی کارروائی کے دوران ایک دہشتگرد مارا گیا، تفصیلات کے مطابق ایف سی اور حساس ادارے نے خفیہ اطلاع پر کوئٹہ کے علاقے لہڑی میں کارروائی کی، ایف سی ترجمان کے مطابق اہلکاروں کو دیکھتے ہی دہشتگرد وں نے فائرنگ کردی ، جوابی کارروائی میں ایک دہشتگرد مارا گیا جبکہ اس کے ساتھی فرار ہوگئے، ہلاک دہشتگرد کے قبضے سے اسلحہ بارود بھی برآمد کیا گیا ہے،جس میں دو کلو گرام دھماکہ خیز مواد بھی شامل ہے، مفرور دہشتگردوں کی گرفتاری کے لئے کارروائیاں بھی جاری ہیں۔
