وزیراعلیٰ خیبر پختونخوا پرویز خٹک کی اہلیہ کو سفری دستاویزات نہ ہونے کی وجہ سے امریکا جانے سے روک دیا گیا۔
پشاور کے باچا خان ائیرپورٹ پر وزیراعلیٰ خیبر پختونخوا کی اہلیہ عامرہ خٹک امیگریشن حکام نے امریکا جانے سے روک دیا۔ امیگریشن حکام کے مطابق عامرہ خٹک کے پاس امریکی پاسپورٹ تو تھا لیکن این آئی سی او پی کارڈ ، پاکستانی شناختی کارڈ اور گرین پاسپورٹ نہیں تھا۔
وزیر اعلیٰ کی اہلیہ عامرہ خٹک امریکی پاسپورٹ پر امارات ایئرلائن کی پرواز ای کے 637 کے ذریعے امریکا جا رہی تھی۔
