روس کے صدر پیوٹن نے ترک ہم منصب رجب طیب اردوان سے گفتگو میں غزہ میں فلسطینیوں پر اسرائیلی فائرنگ کی شدید مذمت کی ہے ۔
کریملن سے جاری بیان کے مطابق روسی صدر پیوٹن نے ترک صدر اردوان سے ٹیلیفونک گفتگو کی ۔
دونوں رہنمائوں نے اسرائیلی فائرنگ سے فسلطینی مظاہرین کے جانی نقصان کی شدید مذمت کی اور غزہ میں تشدد روکنے کا مطالبہ کیا ۔
پیوٹن اور اردوان نے مسئلے کے حل کےلئے پرامن اور تعمیری بات چیت پرزور دیا ۔
روسی صدر نے کہا کہ فلسطین میں تشدد کا خاتمہ ہونا چاہیے، تعمیری مذاکرات سے مسئلے کا حل اقوام متحدہ کی قراردادوں کے مطابق نکالاجائے۔
