اسلام آباد (مانیٹرنگ ڈیسک) 2018کا الیکشن قریب آتے ہی دیگر سیاسی جماعتوں سے اہم شخصیات کا تحریک انصاف میں شمولیت کا سلسلہ جاری ہے ۔ ایک اور بڑے سیاسی رہنما نے کپتان سے ہاتھ ملا لیا ہے اور اپنی سابقہ جماعت پیپلزپارٹی سے ہر قسم کا تعلق ختم کر دیا ہے ۔اس بار پی ٹی آئی میں شامل ہونے والی شخصیت کا نام اسدگلزار ہے۔ میڈیا رپورٹس کے مطابق چیئرمین تحریک انصاف عمران خان سے پیپلزپارٹی کے مرکزی رہنماء
اسد گلزار نے ملاقات کی۔جس میں موجودہ سیاسی صورتحال اور آئندہ عام انتخابات سے متعلق تبادلہ خیال کیا گیا۔اس موقع پراسد گلزر نے پی ٹی آئی میں شمولیت کا اعلان کردیا ہے۔ انہوں نے چیئرمین پی ٹی آئی عمران خان سے ملاقات میں پارٹی منشور اور عمران خان کی قیادت پرمکمل کا اعتماد کا اظہار بھی کیا ہے۔
