کرکٹ آسٹریلیا نے ہوم سیریز کے شیڈول کا اعلان کر دیا ہے۔ آسٹریلیا ہوم سیریز میں ساؤتھ افریقا، بھارت اور سری لنکا کی میزبانی کرے گا۔
کرکٹ آسٹریلیا نے 19-2018کے ہوم سیزن کے لیئے شیڈول کا اعلان کر دیا ہے ۔ سب سے پہلے ساوتھ افریقا کی ٹیم آسٹریلیا کی مہمان بنے گی۔ سیریز میں تین ون ڈے میچز 4، 9 اور 11 نومبر کو کھیلے جائیں گے جبکہ 17 نومبر کو ٹی ٹونٹی میچ گولڈ کوسٹ میں کھیلا جائے گا ۔
بھارتی ٹیم آسٹریلیا میں تین ٹی ٹونٹی میچز 21، 23 اور 25 نومبر کو کھیلے گی، جبکہ چار ٹیسٹ میچز کی سیریز کا آغاز 6 دسمبر سے ایڈیلیڈ میں ہوگا ۔دورہ میں تین ون ڈے میچز 12، 15 اور 18 جنوری کو کھیلے جائیں گے۔
اس کے بعد سری لنکن کرکٹ ٹیم دو ٹیسٹ میچز آسٹریلیا میں کھیلے گی ۔ 24 سے 28 جنوری تک برسبین میں کھیلا جانےو الا ٹیسٹ ڈے اینڈ نائٹ ہوگا جبکہ دوسرا ٹیسٹ یکم فروری سے کینبرا میں شروع ہو گا ۔
