شیخ رشیدووٹ سے کئی بارنا اہل ہو چکے مگر امپائر کھڑا کر دیتاہے ، حکومت کو حکم اوپر سے آرہے ہیں : کیپٹن صفدر

اسلام آباد (نیوز وی او سی آن لائن) سابق وزیراعظم نواز شریف کے داماد کیپٹن ریٹائرڈ صفدرکا کہنا ہے کہ شیخ رشیدووٹ سے کئی بارنا اہل ہو چکے مگر امپائر کھڑا کر دیتا ہے،بظاہر ایک حکومت چل رہی ہے مگرحکم اوپرسے ہی آرہے ہیں۔
احتساب عدالت کے باہرمیڈیا سے گفتگو کرتے ہوئے کیپٹن صفدر نے کہا کہ چیف جسٹس شیخ رشیدکے بیانات کاجائزہ لیں، مارشل لاکی بات کرنےوالوں کوپہلے کٹہرے میں کھڑاکیاجائے، شیخ رشیدووٹ سے کئی بارنا اہل ہو چکے مگر امپائر کھڑا کر دیتا ہے۔انہوں نے کہا کہ کہ سراج الحق کے بیانات سے لگتا ہے امپائرنے ان کاساتھ چھوڑدیا، سراج الحق 5سال پی ٹی آئی کی تباہ کاریوں میں شامل رہے ، وقت آگیاہے سراج الحق یہ داغ بھی دھودیں۔
نواز شریف کے داماد نے کہا کہ بظاہر ایک حکومت چل رہی ہے مگرحکم اوپرسے ہی آرہے ہیں، حکومت ہی نہیں ریاست پربھی حکم اوپرسے آرہے ہیں، فرشتوں کے ذریعے آنےوالے حکم خطرناک ہو سکتے ہیں۔آج کل ایک نوجوان اپنے حقوق کی جنگ کیلئے نکلاہواہے، اس نوجوان کوبھی سناجاناچاہیے ورنہ شورش بڑھے گی، یہ ملک سیاستدانوں نے بنایا انہیں سیاست کرنے دی جائے، بظاہرحکومت کے پس پردہ کچھ اور لوگ ہوتے ہیں۔