اسلام آباد(نیوز وی او سی آن لائن)حکومت نے انتخابات سے پہلے قومی احتساب بیوروکے قوانین میں اہم تبدیلیاں لانے کا فیصلہ کر لیا ہے۔
میڈیا رپورٹس کے مطابق مجوزہ بل کے مطابق نیب کا دائرہ کار صرف وفاقی ملازمین تک محدود ہوگا اور نیب کسی زیر تفتیش ملزم کے اثاثہ جات منجمد نہیں کرسکے گی۔نیب قوانین میں تبدیلیوں کا مجوزہ بل کے مطابق صوبائی ملازمین نیب کے دائرہ کار میں نہیں آسکیں گے۔ بل کے مطابق چیئرمین اور ڈائریکٹر جنرل نیب کسی گرفتاری کے لیے پراسیکیوٹر جنرل سے مشاورت کے پابند ہوں گے۔اس کے علاوہ بل کے مطابق نیب کسی زیر تفتیش ملزم کے اثاثہ جات بھی منجمد نہیں کرسکے گی۔
خیال رہے کہ اس وقت نیب شریف خاندان سمیت دیگر کئی اہم مقدمات کی تفتیش کررہا ہے۔
رواں برس 28 فروری کو پنجاب اسمبلی میں کے خلاف قرارداد بھی منظور کی گئی تھی جس میں لاہور ڈویلمپنٹ اتھارٹی کے ڈائریکٹر جنرل احد چیمہ کی گرفتاری اور نیب پر اختیارات سے تجاوز کرنے کا الزام عائد کرکے اس کی مذمت کی گئی تھی۔
