وزیراعلیٰ سندھ سید مراد علی شاہ نے شہر کے مختلف علاقوں کا دورہ کیا اور جاری منصوبوں کا معائنہ کیا، کینٹ اسٹیشن میں نئی بننے والی پارکنگ کا بھی جائزہ لیااورکینٹ اسٹیشن پر بیٹھ کر چائے پراٹھے کا بھی لطف اٹھایا۔
ترجمان وزیراعلیٰ سندھ کے مطابق وزیراعلیٰ سندھ سید مراد علی شاہ نے بغیر پرٹوکول کے سگنلز پر رکتے ہوئے اسکیمز کا معائنہ کیا،وزیراعلیٰ سندھ نے سن سیٹ بلیووارڈ برج اور سب مرین انڈر پاس کا معائنہ کیا اور کام کی سست روی پر برہمی کا اظہار بھی کیا۔وزیراعلیٰ سندھ سید مراد علی شاہ نے کینٹ اسٹیشن کی زیرتعمیر سڑکوں، پارکنگ ایریا اور اسٹیشن کا بھی معائنہ کیا۔ترجمان کے مطابق وزیراعلیٰ سندھ نے کینٹ اسٹیشن پر بیٹھ کر چائے پراٹھا بھی کھایا، ریلوے اسٹیشن پر آنے والے مسافروں نے وزیراعلیٰ کے ساتھ سیلفیاں بھی بنوائیں۔
