راولپنڈی کے مختلف علاقوں سے5افراد اغواء کر لیا گیا جن میں تین خواتین شامل ہیں

راولپنڈی ، اسلام آباد( نمائندہ خصوصی )مختلف علاقوں سے تین خواتین سمیت 5افراد اغواءکواغواکرلیاگیا۔ عمرے کی ادائیگی کے بعدواپس آنیوالے نوجوان کوائرپورٹ سے اغواء کرلیاگیا۔تھانہ ائرپورٹ کو محمد رمضان نے بتایا کہ میں اپنی فیملی کے ہمراہ عمرہ کی ادائیگی کے بعد12مارچ کو واپس آئے جہاں اسلام آباد ائیرپورٹ پر میرا25سالہ بیٹا عدنان غائب ہوگیا مجھے شبہ ہے کہ اسے کسی نے اغواء کر لیا ہے ۔ تھانہ وارث خان کو محمد منیر نے بتایا کہ اس کی27سالہ بیوی (ع) کو کسی نامعلوم شخص نے اغواء کر لیا ۔ تھانہ صدرواہ کو خالد محمود اعوان نے بتایا کہ اس کی بیوی (م)کو کسی نے اغواء کر لیا ۔ تھانہ بھارہ کہو کے علاقے مسلم ٹائون سے عبدالقیوم کی صاحبزادی(م) کو اغوا کرلیاگیا ۔ مدعی مقدمہ نے ناصر، فیصل اور رانی پر اپنی بیٹی کے اغوا کاالزام لگایا ہے۔ تھانہ ترنول کےعلاقے بھڈانہ کلاں سے انعام الرحمن کے بھائی مسعود الرحمن کواغوا کر لیاگیا۔پولیس نے مقدمہ درج کرلیا ۔