گولڈ کوسٹ (نیوز وی او سی آن لائن )کامن ویلتھ گیمزمیں پاکستانی ہاکی ٹیم نے روائتی حریف بھارت کے خلاف آخری سیکنڈز میں گول کر کے میچ دو ،دو سے برابر کردیا ۔تفصیل کے مطابق کامن ویلتھ گیمز میں روائتی حریفوں کے درمیان مقابلہ ہوا تو بھارت نے آغاز میں ہی گول کر کے پاکستانی ٹیم پر برتری حاصل کر لی ۔پھر بھارت نے ایک اور گول کردیا جس کے باعث پہلے ہی کوارٹر میں بھارت کو 0-2سے برتری حاصل ہو گئی ،دوسرے کوارٹر میں پاکستان اور بھارت نے سخت مقابلہ کیا اور اس میں دونوں جانب سے کوئی گول نہ ہو سکا ۔تیسرے کوارٹر میں پاکستان نے بھی ایک گول کردیا لیکن اب بھی بھارت کو ایک گول کی برتر ی حاصل تھی ۔چوتھے کوارٹر کے آغاز سے ہی پاکستان نے بھارت کے خلاف دوسرا گول کرنے کی سر توڑ کوشش کی لیکن مقابلہ سخت تھا میچ کے آخری لمحات صرف 7سیکنڈ باقی تھے کہ پاکستان نے ریویو (review) لیا تو پاکستان کو پیلنٹی کارنر مل گیا لیکن اس پر گول نہ ہوسکا جبکہ وقت بھی ختم ہو چکا تھا لیکن پاکستان نے پھر دوبارہ ریویو لیا اور اس بار پاکستانی ٹیم گول کرنے میں کامیاب ہو گئی اور اس طرح مقابلہ 2-2سے برابر ہو گیا ۔
