شاہد اور شمیم کو قتل کیا گیا، رشتے دار

کراچی کے علاقے کورنگی میں میاں بیوی کے جاں بحق ہونے کے واقعے کے حوالے سے ان کے ایک رشتے دارکا بیان سامنے آیا ہے جس میں اس نے دعویٰ کیا ہے کہ دونوں کو قتل کیا گیا ہے۔
کورنگی ساڑھے 3 نمبر میں گھر میں آگ لگنے سے میاں بیوی کے جاں بحق ہونے کی اطلاعات سامنے آئی تھیں، اب ان کے ایک رشتے دار مسعود خان کا دعویٰ سامنے آیا ہے۔
مسعود خان کا کہنا ہے کہ جاں بحق ہونے والے شاہد اور شمیم کی ہلاکت کا واقعہ آگ لگنےکانہیں،بلکہ ان میاں بیوی کو تیز دھار آلے سے قتل کیا گیا ہے۔
مسعود خان کا یہ بھی کہنا ہے کہ مقتولین کے جسم پر تیز دھار آلے کے نشانات ہیں، جبکہ گھر سے نقدی اور زیورات بھی غائب ہیں۔