وزیراعلیٰ پنجاب شہباز شریف کی جانب سے تحریک انصاف کے چیئرمین عمران خا ن پر ہتک عزت کے دعوے کی سماعت لاہور ایڈيشنل سیشن جج کی عدالت میں ہوئی۔
شہبازشریف کے وکیل نے عدالت میں کہاکہ عمران خان عدالتی کارروائی سےمتعلق تاخیری حربےاستعمال کر رہےہیں، قانون کےمطابق ہتک عزت کےدعوے کا فیصلہ 90 روز میں ہو جانا چاہیے۔
شہباز شریف کے وکیل نے عدالت سے استدعا کی کہ عدالت عمران خان کےخلاف 10 ارب روپے ہرجانے کا جلد فیصلہ کرے۔
عدالت نے اکیس اپریل تک کیس کی سماعت ملتوی کر تے ہوئے اگلی سماعت پر فریقین کے وکلا کو بحث کا حکم دے دیا۔
