کراچی (نیوز وی او سی آن لائن) ایم کیو ایم کے رہنما فاروق ستار نے کہا ہے کہ 26مارچ کو بہادر آباد خالی ہوجائے گا، ایم کیو ایم کو تقسیم کرنے کی سازش کامیاب نہیں ہونے دیں گے۔
تفصیلات کے مطابق جلسے سے خطاب کرتے ہوئے فاروق ستار کا کہناتھا کہ ہم سب ایک ہوں پر نیک ہونا بھی ضروری ہے۔ ہمیں سیاسی عمل سے الگ نہ کیا جائے اور نہ ہمارے صبر کا امتحان لیا جائے۔انہوں نے کہاکہ ہم ایم کیو ایم کو ختم ہونے دیں گے اور نہ ہی مٹنے دیں گے،ہم نے بہت سی سازشوں کا سامنا کیا، 22 اگست کو ہم نے قربانی دی، اپنے قائد سے علیحدگی اختیار کی۔آ ج 2 الگ الگ یوم تاسیس ہونے پر افسوس ہے، ہم نے سب کو یکجا کیا اور ایم کیو ایم پاکستان کو کھڑا کیا۔
