پیرس:پی آئی اے کی پرواز سے کروڑوں روپے مالیت کی ہیروئن برآمد، فضائی میزبان تنویر گلزار گرفتار

کراچی (نیوز وی او سی آن لائن)اسلام آباد سے براستہ میلان پیرس آنے والی پرواز پی کے 750سے کروڑوں روپے مالیت کی ہیروئن برآمدکر لی گئی جس پر سکیورٹی حکام نے فضائی میزبان تنویر گلزار کو حراست میں لے لیا۔
میڈیا رپورٹس کے مطابق قومی ایئر لائن کی پرواز پی کے 750 اسلام آباد سے براستہ میلان پیر س پہنچی تھی، سکیورٹی حکام نے تلاشی کے دوران ہیروئن برآمد ہونے پر فضائی میزبان تنویر گلزار کور حراست میں لے لیا اور کلیئرنس کے بعد جہاز کو واپس پرواز کرنے کی اجازت دے دی جہاز کے تمام عملے کو بھی واپسی کی اجازت دے دی گئی۔
ترجمان پی آئی اے کے مطابق فلائٹ سٹیورڈ تنویر گلزار کو پیرس میں حراست میں لیا گیا ،قومی ایئر لائن نے تنویرگلزارکومعطل کردیا،ترجمان پی آئی اے کا کہناہے کہ ملزم کےخلاف محکمانہ کارروائی کا آغاز کردیا گیا ہے، الزام ثابت ہونے پر تنویر گلزار کو نوکری سے فارغ کیا جاسکتا ہے۔