سابق صدر اور پیپلز پارٹی کے شریک چیئرمین آصف علی زرداری نے سابق وزیراعظم نوازشریف کو عدالتی فیصلے کے احترام اور محاذآرائی سے گریز کا مشورہ دیدیا ۔
سپریم کورٹ کے فیصلے پر ردعمل دیتے ہوئے آصف زرداری نے کہا کہ ملک کی اعلیٰ عدالت کے فیصلے کا احترام ہر کسی پر فرض ہے ،بدقسمتی ہے نوازشریف نے ٹکرائو کا راستہ چنا ہے۔
انہوں نےکہا کہ نوازشریف کو ریاستی اداروں سے محاذ رآرائی سے اجتناب کرنا چاہیے کیونکہ یہ کسی کے فائدے میں نہیں بلکہ یہ اقدام جمہوریت کی اہمیت کم کرنے کا سبب بنے گا ۔
آصف زرداری نے اس عزم کا اظہار کیا کہ ان کی پارٹی جمہوریت ، آئین کی حفاظت اور فروغ کے لئے کام کرتی رہے گی ۔
