چیئرمین تحریک انصاف عمران خان کی زیر صدارت پارلیمانی اجلاس ہوا، اجلاس میں سینیٹ انتخابات کے لیے خیبر پختون خوا سے 6 ناموں کی منظوری دے دی گئی۔
سینیٹ انتخابات کے لیے پی ٹی آئی کی جانب سے فیصل جاوید، فداحسین، اعظم سواتی، مہرتاج روغانی، خیال زمان اور ایوب آفریدی کے نام شامل کیے گئے ہیں۔
ذرائع کے مطابق پارلیمانی اجلاس میں مولانا سمیع الحق کا نام خارج کردیا گیا جبکہ تحریک انصاف کو سینیٹ انتخابات میں خیبرپختون خوا سے 6 نشستیں ملنے کا امکان ہے۔
واضح رہے کہ سینیٹ الیکشن کے لئے پولنگ 3 مارچ کو ہو گی۔
