راؤ انوار کے مبینہ پولیس مقابلے میں نقیب اللہ محسود کے ساتھ مارے گئے نذر جان محسود کی تدفین آج آبائی علاقے شکتوئی جنوبی وزیرستان میں کی جائے گی۔
گزشتہ روز ایف سی گراؤنڈ ٹانک میں نذر جان محسود کی نماز جنازہ ادا کی گئی جس میں مقتول کے والد عاتم محسود، عزیز و اقارب، محسود اور برکی قبائل کے عمائدین اور علاقے کے لوگوں نے شرکت کی۔
نمازجنازہ کے بعد نذرجان محسود کی میت آبائی علاقہ شکتوئی جنوبی وزیرستان روانہ کی گئی تھی جہاں آج اس کی تدفین کی جائے گی۔
