ممبئی (این این آئی)بالی ووڈ اداکار عامر خان جن کو مسٹر پرفیکٹشنسٹ بھی کہا جاتا ہے، چین میں اپنی ایک اور فلم کے ساتھ بڑے کامیابی حاصل کرنے کے لیے تیار ہیں۔
فوربز کی رپورٹ کے مطابق چین میں فلم ’سیکرٹ سپرسٹار‘ کی باکس آفس پر ہونے والی کمائی کا حصہ عامر خان اور ان کی پروڈکشن کمپنی عامر خان پروڈکشن کے ساتھ بھی شیئر کیا جائے گا۔عامر خان اس وقت چین میں اپنی فلم ’سیکرٹ سپرسٹار‘ کی تشہیر کے لیے بھی موجود ہیں۔فلم ’سیکرٹ سپرسٹار‘ رواں سال 19 تاریخ کو چین کے سینما گھروں میں نمائش کے لیے پیش کی گئی۔واضح رہے کہ اس سے قبل عامر خان کی فلمز ’دھوم 3‘، ’پی کے‘ اور ’دنگل‘ بھی چین میں نمائش کے لیے پیش کی جاچکی ہیں، اس دوران پی کے اور دھوم 3 کو تو چین کے ڈسٹریبیوٹرز کو فروخت کیا گیا تھا ۔ گزشتہ سال عامر خان کی فلم ’دنگل‘ نے چین 872 کروڑ روپے کا شاندار بزنس کیا تھا، اور امید ظاہر کی جارہی ہے کہ سیکرٹ سپرسٹار اس سے زیادہ بزنس کرنے میں کامیاب رہے گی۔
