لاہور: عوامی تحریک کی جانب سے سانحہ ماڈل ٹاؤن پر بلائی گئی آل پارٹیز کانفرنس میں شہبازشریف اور رانا ثنا اللہ کو مستعفیٰ ہونے کے لیے دی گئی ڈیڈلائن کا آج سے ختم ہو گئی ہے-
سانحہ ماڈل ٹاؤن کے حوالے سے عوامی تحریک کے زیراہتمام اے پی سی میں اپوزیشن جماعتوں کی طرف سے وزیراعلیٰ پنجاب شہباز شریف اور وزیر قانون رانا ثنا اللہ کو مستعفیٰ ہونے کے لیے 7 جنوری کی ڈیڈلائن دی گئی تھی جو آج ختم ہوجائی گی، حکومتی شخصیات کی جانب سے اپوزیشن کی ڈیڈلائن کا کوئی نوٹس نہ لیا گیا جب کہ ڈیڈلائن ختم ہونے پر کل جماعتی کانفرنس کی اسٹیئرنگ کمیٹی کا اجلاس کل ہوگا۔
ذرائع کے مطابق اسٹیئرنگ کمیٹی کل کے اجلاس میں آئندہ کے لائحہ عمل کا اعلان کریگی جس میں ملگ گیراحتجاج اور دھرنوں کا اعلان متوقع ہے، اس کے علاوہ لاہورسمیت مختلف شہروں میں بیک وقت دھرنوں کی تجویز بھی زیرغور ہے جب کہ احتجاج کے طریقہ کار اور تاریخ کا اعلان بھی کل ہوگا۔
دوسری جانب عوامی تحریک کے سیکرٹری جنرل خرم نواز گنڈا پورنے مختلف جماعتوں کے رہنماؤں سے رابطے شروع کردیے ہیں جس میں کل ہونیوالے اسٹیئرنگ کمیٹی کے اجلاس کے بارے میں مشاورت جاری ہے، اسٹیئرنگ کمیٹی میں جہانگیرترین، میاں منظور وٹو، شیخ رشید اور لیاقت بلوچ سمیت 18 سیاسی شخصیات شامل ہیں۔
