ممبئی (نیوز وی او سی آن لائن )بھارت کی معروف گلوکارہ سونیدی چوہان ماں بن گئیں ہیں۔
تفصیلات کے مطابق سونیدی چوہان کیلئے یہ انتہائی یادگار رہے گا کیونکہ انہوں نے 2018 کے پہلے دن اپنے بیٹے کو جنم دیاہے تاہم بھارتی گلوکاری نے اپنے حاملہ ہونے کی خبر اپنے مداحوں کو ایک میوزک کنسر کے دوران سنائی تھی ۔سونیدی چوہان گلوکاری میں شہرت 1996 میں بھارتی نجی ٹی وی پر ہونے والے میوزک رئیلٹی شو سے ملی ۔گلوکارہ نے 18 سال کی عمر میں بھارتی کوریو گرافر ’بوبی خان ‘سے شادی کی تھی جو کہ صرف ایک ہی سال چل سکی اور اگلے سال دونوں میں علیحدگی ہو گئی تھی ۔بھارتی میڈیا میں یہ بات گردش کرتی رہی کہ سونیدی چوہان نے 2002 میں اپنی فیملی کے خلاف جا کر بوبی سے شادی کی تھی جو کہ 2003 میں اختتام پذیر ہو گئی تھی حالانکہ ایک انٹرویو کے دوران بھارتی گلوکارہ نے کہا تھا کہ وہ بہت خوش ہیں اور سسرال والے انہیں کبھی بہو ہونے کا احساس نہیں کرواتے اور بہت پیار کرتے ہیں تاہم ان کی شادی کیوں ٹوٹی اس کے بارے میں کبھی معلوم نہیں ہوسکاہے ۔
پہلی شادی کے 9 سال کے بعد سونیدی چوہان نے 24 اپریل 2012 کو دوسری شادی میوزک کمپوزر ہتیش سونک سے کی ،ہتیش سونک کئی بھارتی فلموں میں میوزک دے چکے ہیں اور بالی ووڈ میں ان کا کافی نام بھی ہے ۔
