لاہور(آئی این پی) دلکش و نامور گلوکارہ و اداکارہ رابی پیرزادہ نے کہا ہے کہ نیا سال میوزک انڈسٹری کی ترقی کے لئے اہم ثابت ہوگا۔
تفصیلات کے مطابق اپنے ایک بیان میں رابی پیرزادہ کاکہناتھا کہ کچھ عرصہ سے ہماری میوزک انڈسٹری جمود کا شکار ہے اور بڑے بڑے گلوکار اپنا مکمل البم نکالنے میں ناکام رہے ہیں لیکن اب موجودہ ملکی حالات دیکھتے ہوئے پوری امید ہے کہ رواں سال میوزک انڈسٹری سے یہ جمود ختم ہوجائے گا اور پاکستانی میوزک انڈسٹری ایک بار پھر سے اپنے عروج پر پہنچے گی اور شائقین موسیقی کو اچھا میوزک سننے کو ملے گا۔
